ਸੰਗਰੂਰ ਲੋਕ ਸਭਾ ਹਲਕੇ ‘ਚ ਸ਼ਾਮ 5 ਵਜੇ ਤੱਕ 57.21% ਹੋਈ ਪੋਲਿੰਗ

ਅੰਮ੍ਰਿਤਸਰ (ਮਨਮੀਤ ਕੌਰ) – ਸੰਗਰੂਰ ਲੋਕ ਸਭਾ ਹਲਕੇ ਵਿੱਚ ਸਵੇਰੇ 7 ਵਜੇ ਤੋਂ ਵੋਟਿੰਗ ਸ਼ੁਰੂ ਹੋ ਗਈ ਅਤੇ ਵੋਟਰ ਪੋਲਿੰਗ ਸਟੇਸ਼ਨਾਂ ’ਤੇ ਪੁੱਜ ਗਏ। ਇਸ ਦੇ ਨਾਲ ਹੀ ਅੱਜ 23 ਉਮੀਦਵਾਰਾਂ ਦੀ ਕਿਸਮਤ ਵੋਟਰ ਤੈਅ ਕਰਨਗੇ। ਸਵੇਰ ਵੇਲੇ ਸ਼ਹਿਰੀ ਵੋਟਰਾਂ ਦੀ ਗਿਣਤੀ ਪੇਂਡੂ ਖੇਤਰਾਂ ਦੇ ਮੁਕਾਬਲੇ ਜ਼ਿਆਦਾ ਰਹੀ, ਪਰ ਦਿਹਾਤੀ ਵੋਟਰਾਂ ਦੀ ਗਿਣਤੀ ਬਾਅਦ ‘ਚ ਵੱਧ ਗਈ। ਇਸ ਤੋਂ ਇਲਾਵਾ ਇਸ ਲੋਕ ਸਭਾ ਹਲਕੇ ‘ਚ ਸ਼ਾਮ 5 ਵਜੇ ਤੱਕ, 57.21% ਰਜਿਸਟਰਡ ਵੋਟਰਾਂ ਨੇ ਆਪਣੀ ਵੋਟ ਪਾਈ ਸੀ। ਦੁਪਹਿਰ 1 ਵਜੇ ਤਕ 39.85 ਫ਼ੀਸਦ ਜਦਕਿ 3 ਵਜੇ ਤਕ 46.84 ਪੋਲਿੰਗ ਫ਼ੀਸਦ ਦਰਜ ਕੀਤਾ ਗਿਆ।