ਚੰਡੀਗੜ੍ਹ (ਸਾਹਿਬ): ਜਨਨਾਇਕ ਜਨਤਾ ਪਾਰਟੀ (JJP) ਨੇ ਹਰਿਆਣਾ ਵਿਚ ਲੋਕ ਸਭਾ ਚੋਣਾਂ ਲਈ ਆਪਣੇ ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕਰ ਦਿੱਤੀ ਹੈ। JJP ਨੇ ਪਹਿਲੀ ਸੂਚੀ ਵਿੱਚ 5 ਮਜ਼ਬੂਤ ਉਮੀਦਵਾਰਾਂ ਦਾ ਐਲਾਨ ਕੀਤਾ ਹੈ। ਸਾਬਕਾ ਵਿਧਾਇਕ ਰਮੇਸ਼ ਖੱਟਕ ਸਿਰਸਾ ਲੋਕ ਸਭਾ ਸੀਟ ਤੋਂ ਚੋਣ ਲੜਨਗੇ।
- ਹਿਸਾਰ ਦੇ ਬਦਰਾ ਵਿਧਾਨ ਸਭਾ ਤੋਂ ਵਿਧਾਇਕ ਨੈਨਾ ਸਿੰਘ ਚੌਟਾਲਾ JJP ਉਮੀਦਵਾਰ ਹੋਣਗੇ। ਕੌਮੀ ਪ੍ਰਧਾਨ ਡਾ. ਅਜੈ ਸਿੰਘ ਚੌਟਾਲਾ ਦੇ ਪੁਰਾਣੇ ਸਾਥੀ ਰਹੇ ਭਿਵਾਨੀ-ਮਹੇਂਦਰਗੜ੍ਹ ਤੋਂ ਸਾਬਕਾ ਵਿਧਾਇਕ ਰਾਓ ਬਹਾਦੁਰ ਸਿੰਘ ਨੂੰ ਉਮੀਦਵਾਰ ਬਣਾਇਆ ਹੈ। ਓਥੇ ਹੀ ਗੁਰੂਗ੍ਰਾਮ ਤੋਂ ਮਸ਼ਹੂਰ ਬਾਲੀਵੁੱਡ ਦੇ ਇੱਕ ਸਟਾਰ ਸਿੰਗਰ ਰਾਹੁਲ ਯਾਦਵ ਫਾਜ਼ਿਲਪੁਰੀਆ ਉਮੀਦਵਾਰ ਹੋਣਗੇ। ਜਦੋਂਕਿ ਫਰੀਦਾਬਾਦ ਤੋਂ JJP ਦੇ ਯੂਥ ਜ਼ਿਲ੍ਹਾ ਪ੍ਰਧਾਨ ਨੌਜਵਾਨ ਨੇਤਾ ਨਲਿਨ ਹੁੱਡਾ ਚੋਣ ਲੜਨਗੇ।