ਰਾਏਪੁਰ (ਸਾਹਿਬ): ਛੱਤੀਸਗੜ੍ਹ ਦੇ ਵਾਤਾਵਰਨ ਕਾਰਕੁਨ ਆਲੋਕ ਸ਼ੁਕਲਾ ਨੂੰ 2024 ਦਾ ਗੋਲਡ ਮੈਨ ਐਨਵਾਇਰਮੈਂਟਲ ਅਵਾਰਡ ਮਿਲਣ ਜਾ ਰਿਹਾ ਹੈ, ਜਿਸਨੂੰ ਆਮ ਤੌਰ ‘ਤੇ ਗ੍ਰੀਨ ਨੋਬਲ ਕਿਹਾ ਜਾਂਦਾ ਹੈ। ਇਸ ਵਰ੍ਹੇ ਇਹ ਸਨਮਾਨ ਦੁਨੀਆ ਭਰ ਦੇ ਸੱਤ ਲੋਕਾਂ ਨੂੰ ਦਿੱਤਾ ਜਾ ਰਿਹਾ ਹੈ, ਜਿਨ੍ਹਾਂ ਵਿੱਚ ਆਲੋਕ ਵੀ ਸ਼ਾਮਿਲ ਹਨ। ਉਹ ਹਸਦੇਵ ਅਰਣਿਆ ਬਚਾਓ ਸੰਘਰਸ਼ ਸਮਿਤੀ ਦੇ ਕੋਆਰਡੀਨੇਟਰ ਵਜੋਂ ਜਾਣੇ ਜਾਂਦੇ ਹਨ।
- ਆਲੋਕ ਨੂੰ ਇਹ ਪੁਰਸਕਾਰ 29 ਅਪ੍ਰੈਲ ਨੂੰ ਅਮਰੀਕਾ ਦੇ ਸੈਨ ਫਰਾਂਸਿਸਕੋ ਵਿੱਚ ਇਕ ਸਮਾਰੋਹ ਦੌਰਾਨ ਦਿੱਤਾ ਜਾਵੇਗਾ। ਇਸ ਮੌਕੇ ‘ਤੇ ਹਸਦੇਵ ਦੇ ਆਦਿਵਾਸੀ ਅਤੇ ਜੰਗਲ ਦੇ ਸੰਭਾਲ ਲਈ ਕੰਮ ਕਰ ਰਹੇ ਮਜ਼ਦੂਰਾਂ ਵਲੋਂ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ। ਗੋਲਡ ਮੈਨ ਐਨਵਾਇਰਮੈਂਟਲ ਫਾਊਂਡੇਸ਼ਨ ਵੱਲੋਂ ਦਿੱਤੇ ਗਏ ਇਸ ਸਨਮਾਨ ਦੀ ਮੁੱਖ ਵਜ੍ਹਾ ਆਲੋਕ ਦਾ ਛੱਤੀਸਗੜ੍ਹ ਵਿੱਚ ਸੰਘਣੇ ਹਸਦੇਵ ਜੰਗਲ ਨੂੰ ਬਚਾਉਣ ਦੇ ਲਈ ਕੀਤੀ ਗਈ ਯਤਨਸ਼ੀਲ ਕੋਸ਼ਿਸ਼ ਹੈ। ਇਸ ਖੇਤਰ ਵਿੱਚ ਕੋਲੇ ਦੀਆਂ 23 ਖਾਣਾਂ ਹਨ, ਜਿਨ੍ਹਾਂ ਨੂੰ ਰੱਦ ਕਰਨ ਲਈ ਜ਼ਬਰਦਸਤ ਮੁਹਿੰਮ ਚਲਾਈ ਗਈ।
- ਦੱਸ ਦੇਈਏ ਕਿ ਜੁਲਾਈ 2022 ਵਿੱਚ ਸਰਕਾਰ ਵੱਲੋਂ 21 ਪ੍ਰਸਤਾਵਿਤ ਕੋਲਾ ਖਾਣਾਂ ਨੂੰ ਰੱਦ ਕਰਨ ਦਾ ਫੈਸਲਾ ਵੀ ਇਸ ਅੰਦੋਲਨ ਦੀ ਬਡੀ ਜਿੱਤ ਸੀ। ਹਸਦੇਵ ਅਰਣਿਆ ਨੂੰ ਛੱਤੀਸਗੜ੍ਹ ਦੇ ਫੇਫੜਿਆਂ ਵਜੋਂ ਜਾਣਿਆ ਜਾਂਦਾ ਹੈ ਅਤੇ ਇਸ ਜੰਗਲ ਦਾ ਜੈਵ ਵਿਭਿੰਨਤਾ ਨਾਲ ਭਰਪੂਰ ਹੋਣਾ ਇਸ ਦੀ ਸਾਂਭ ਸੰਭਾਲ ਲਈ ਬਹੁਤ ਜਰੂਰੀ ਹੈ।