ਰੀਵਾ (ਸਰਬ) : ਮੱਧ ਪ੍ਰਦੇਸ਼ ਦੇ ਰੀਵਾ ਜ਼ਿਲੇ ‘ਚ ਸ਼ੁੱਕਰਵਾਰ ਦੁਪਹਿਰ ਨੂੰ 6 ਸਾਲ ਦਾ ਬੱਚਾ ਖੇਡਦੇ ਹੋਏ ਖੁੱਲ੍ਹੇ ਬੋਰਵੈੱਲ ‘ਚ ਡਿੱਗ ਗਿਆ। ਇਹ ਹਾਦਸਾ ਉੱਤਰ ਪ੍ਰਦੇਸ਼ ਦੀ ਸਰਹੱਦ ਨਾਲ ਲੱਗਦੇ ਮਨਿਕਾ ਪਿੰਡ ਵਿੱਚ ਵਾਪਰਿਆ।
- ਘਟਨਾ ਦੇ ਤੁਰੰਤ ਬਾਅਦ, ਰਾਜ ਡਿਜ਼ਾਸਟਰ ਐਮਰਜੈਂਸੀ ਰਿਸਪਾਂਸ ਫੋਰਸ (ਐਸਡੀਆਰਐਫ) ਦੀ ਇੱਕ ਟੀਮ ਨੂੰ ਬਚਾਅ ਕਾਰਜਾਂ ਲਈ ਬੁਲਾਇਆ ਗਿਆ। ਬੱਚਾ ਕਰੀਬ 40 ਫੁੱਟ ਦੀ ਡੂੰਘਾਈ ‘ਚ ਫਸਿਆ ਹੋਇਆ ਹੈ। ਰੀਵਾ ਕਲੈਕਟਰ ਪ੍ਰਤਿਭਾ ਪਾਲ ਨੇ ਇਸ ਬਚਾਅ ਕਾਰਜ ਦੀ ਪੁਸ਼ਟੀ ਕੀਤੀ ਹੈ। ਇਸ ਬਚਾਅ ਕਾਰਜ ਵਿਚ ਵਿਸ਼ੇਸ਼ ਕੈਮਰੇ ਦੀ ਮਦਦ ਨਾਲ ਲੜਕੇ ਦੀ ਹਾਲਤ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ। SDERF ਟੀਮ ਦੇ ਮੈਂਬਰਾਂ ਨੇ ਬੋਰਵੈੱਲ ਵਿੱਚ ਆਕਸੀਜਨ ਪਾਈਪ ਵੀ ਲਗਾਈ ਹੈ ਤਾਂ ਜੋ ਬੱਚੇ ਤੱਕ ਲੋੜੀਂਦੀ ਹਵਾ ਪਹੁੰਚ ਸਕੇ।
- ਰੀਵਾ ਕਲੈਕਟਰ ਪ੍ਰਤਿਭਾ ਪਾਲ ਨੇ ਕਿਹਾ ਕਿ ਬਚਾਅ ਕਾਰਜ ਗੁੰਝਲਦਾਰ ਹੈ ਪਰ ਟੀਮ ਪੂਰੀ ਤਰ੍ਹਾਂ ਤਿਆਰ ਹੈ ਅਤੇ ਉਮੀਦ ਹੈ ਕਿ ਲੜਕੇ ਨੂੰ ਜਲਦੀ ਹੀ ਬਚਾ ਲਿਆ ਜਾਵੇਗਾ। ਇਸ ਘਟਨਾ ਕਾਰਨ ਸਥਾਨਕ ਪ੍ਰਸ਼ਾਸਨ ਨੇ ਹੋਰ ਬੋਰਵੈੱਲਾਂ ਦੀ ਸੁਰੱਖਿਆ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।