ਸੋਨਾ ਮੋਹਪਾਤਰਾ ਨੇ ਸਾਜਿਦ ਖਾਨ ਦਾ ਸਮਰਥਨ ਕਰਨ ‘ਤੇ ਸ਼ਹਿਨਾਜ਼ ਗਿੱਲ ‘ਤੇ ਵਿਅੰਗ ਕੀਤਾ ਸੀ । ਹੁਣ ਇਕ ਵਾਰ ਫਿਰ ਤੋਂ ਉਨ੍ਹਾਂ ਨੇ ਸ਼ਹਿਨਾਜ਼ ਗਿੱਲ ‘ਤੇ ਆਪਣਾ ਗੁੱਸਾ ਕੱਢਿਆ ਹੈ। ਦਰਅਸਲ, ਹਾਲ ਹੀ ਵਿੱਚ ਸ਼ਹਿਨਾਜ਼ ਗਿੱਲ ਦਾ ਇੱਕ ਵੀਡੀਓ ਵਾਇਰਲ ਹੋਇਆ ਸੀ ਜਿਸ ਵਿੱਚ ਉਹ ਅਜ਼ਾਨ ਦਾ ਸਨਮਾਨ ਕਰਦੇ ਹੋਏ ਕੁਝ ਸਮੇਂ ਲਈ ਚੁੱਪ ਹੋ ਗਈ ਸੀ। ਉਨ੍ਹਾਂ ਦੇ ਇਸ ਅੰਦਾਜ਼ ਦੀ ਲੋਕਾਂ ਨੇ ਕਾਫੀ ਪ੍ਰਸ਼ੰਸਾ ਕੀਤੀ ਸੀ ।
ਇਸ ਸਭ ਤੋਂ ਬਾਅਦ ਗਾਇਕਾ ਸੋਨਾ ਮੋਹਪਾਤਰਾ ਨੇ ਸ਼ਹਿਨਾਜ਼ ਨੂੰ ਟ੍ਰੋਲ ਕੀਤਾ ਹੈ। ਸੋਨਾ ਦਾ ਕਹਿਣਾ ਹੈ ਕਿ ਉਸ ਨੂੰ ਆਪਣੀਆਂ ਭੈਣਾਂ ਦਾ ਵੀ ਕੁਝ ਸਨਮਾਨ ਕਰਨਾ ਚਾਹੀਦਾ ਸੀ, ਜਦੋਂ ਉਸ ਨੇ ਮੀਟੂ ਦੇ ਦੋਸ਼ੀ ਸਾਜਿਦ ਖਾਨ ਦਾ ਸਮਰਥਨ ਕੀਤਾ ਸੀ।
ਸੋਨਾ ਮੋਹਪਾਤ੍ਰ ਨੇ ਹਾਲ ਹੀ ‘ਚ ਸ਼ਹਿਨਾਜ਼ ਗਿੱਲ ‘ਤੇ ਟਵੀਟ ਕੀਤਾ ਹੈ। ਉਸ ਟਵੀਟ ‘ਚ ਉਨ੍ਹਾਂ ਨੇ ਲਿਖਿਆ, ‘ਟਵਿੱਟਰ ‘ਤੇ ਸ਼ਹਿਨਾਜ਼ ਦੀ ਇੱਜ਼ਤ ਵਾਲੀ ਹਰਕਤ ਦੇਖ ਕੇ ਮੈਨੂੰ ਉਸ ਸਮੇਂ ਦੀ ਯਾਦ ਆ ਜਾਂਦੀ ਹੈ,ਜਦੋਂ ਉਸ ਨੇ ਸਾਜਿਦ ਖਾਨ ਦਾ ਸਮਰਥਨ ਕੀਤਾ ਸੀ, ਜਿਸ ਨੇ ਕਈ ਲੜਕੀਆਂ ਦਾ ਜਿਨਸੀ ਸ਼ੋਸ਼ਣ ਕੀਤਾ ਸੀ। ਚੰਗਾ ਹੁੰਦਾ ਜੇ ਉਹ ਉਸ ਸਮੇਂ ਵੀ ਆਪਣੀਆਂ ਭੈਣਾਂ ਦਾ ਕੁਝ ਸਤਿਕਾਰ ਕਰਦੀ ।
ਇਸ ਟਵੀਟ ਤੋਂ ਬਾਅਦ ਸ਼ਹਿਨਾਜ਼ ਦੇ ਪ੍ਰਸ਼ੰਸਕਾਂ ਨੇ ਸੋਨਾ ਨੂੰ ਕਾਫੀ ਟ੍ਰੋਲ ਕੀਤਾ। ਹੁਣ ਸੋਨਾ ਮੋਹਪਾਤ੍ਰ ਨੇ ਟ੍ਰੋਲਰਾਂ ਨੂੰ ਜਵਾਬ ਦੇਣ ਲਈ ਇੱਕ ਹੋਰ ਟਵੀਟ ਕੀਤਾ ਹੈ। ਆਪਣੇ ਦੂਸਰੇ ਟਵੀਟ ‘ਚ ਉਨ੍ਹਾਂ ਨੇ ਸ਼ਹਿਨਾਜ਼ ਦੇ ਕਰੀਅਰ ‘ਤੇ ਵੀ ਸਵਾਲ ਚੁੱਕੇ ਹਨ। ਉਨ੍ਹਾਂ ਲਿਖਿਆ, ‘ਪਹਿਲਾਂ ਮੈਂ ਜੈਕਲੀਨ ਅਤੇ ਹੁਣ ਸ਼ਹਿਨਾਜ਼ ਦੇ ਸਮਰਥਨ ‘ਚ ਖੜ੍ਹੇ ਹੋਣ ਲਈ ਟ੍ਰੋਲ ਕਰਨ ਵਾਲਿਆਂ ਨੂੰ ਇਕ ਗੱਲ ਦੱਸਣਾ ਚਾਹਾਂਗਾ। ਮੈਨੂੰ ਨਹੀਂ ਪਤਾ ਕਿ ਸ਼ਹਿਨਾਜ਼ ਵਿੱਚ ਕੀ ਖਾਸ ਹੁਨਰ ਹੈ। ਛੋਟੇ-ਛੋਟੇ ਰਿਐਲਿਟੀ ਸ਼ੋਅਜ਼ ਦੀ ਪ੍ਰਸਿੱਧੀ ਤੋਂ ਇਲਾਵਾ ਉਸ ਕੋਲ ਹੋਰ ਕੀ ਹੈ।
ਵਿਵਾਦਿਤ ਫਿਲਮ ਨਿਰਦੇਸ਼ਕ ਸਾਜਿਦ ਖਾਨ ਨੇ ਬਿੱਗ ਬੌਸ ਦੇ 16ਵੇਂ ਸੀਜ਼ਨ ਵਿੱਚ ਐਂਟਰੀ ਕੀਤੀ ਸੀ। ਉਸ ਦਾ ਸਮਰਥਨ ਸਾਬਕਾ ਬਿੱਗ ਬੌਸ ਪ੍ਰਤੀਯੋਗੀ ਸ਼ਹਿਨਾਜ਼ ਗਿੱਲ ਨੇ ਕੀਤਾ ਸੀ । ਜਿਸ ਕਾਰਨ ਸ਼ਹਿਨਾਜ਼ ਨੂੰ ਕਾਫੀ ਟ੍ਰੋਲਿੰਗ ਦਾ ਸਾਹਮਣਾ ਕਰਨਾ ਪਿਆ ਸੀ|