ਨਿਊਜ਼ੀਲੈਂਡ ਖਿਲਾਫ ਟੀ-20 ਸੀਰੀਜ਼ ਜਿੱਤਣ ਤੋਂ ਬਾਅਦ ਟੀਮ ਇੰਡੀਆ ਨੇ ਆਪਣੀ ਅਗਲੀ ਮੁਹਿੰਮ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਤਾਲਮੇਲ ਵੀ ਮਹੱਤਵਪੂਰਨ ਹੈ. ਕਿਉਂਕਿ ਅਗਲਾ ਕੰਮ ਪਿਛਲੇ ਕੰਮ ਨਾਲੋਂ ਬਹੁਤ ਵੱਡਾ ਹੈ। 9 ਫਰਵਰੀ 2023 ਤੋਂ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਚਾਰ ਮੈਚਾਂ ਦੀ ਟੈਸਟ ਸੀਰੀਜ਼ ਸ਼ੁਰੂ ਹੋਣ ਜਾ ਰਹੀ ਹੈ। ਜਿਸਦਾ ਪਹਿਲਾ ਮੈਚ ਨਾਗਪੁਰ ਵਿੱਚ ਖੇਡਿਆ ਜਾਵੇਗਾ।
ਇਹ ਸੀਰੀਜ਼ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ ਲਈ ਬਹੁਤ ਮਹੱਤਵਪੂਰਨ ਹੈ। 2021-23 ਸੀਜ਼ਨ ਦਾ ਫਾਈਨਲ ਜੂਨ ਮਹੀਨੇ ਵਿੱਚ ਖੇਡਿਆ ਜਾਵੇਗਾ।ਦੂਸਰੇ ਪਾਸੇ ਮਹਿਮਾਨ ਟੀਮ ਆਸਟਰੇਲੀਆ ਨੇ ਪਹਿਲਾਂ ਹੀ ਡਬਲਯੂਟੀਸੀ ਫਾਈਨਲ ਵਿੱਚ ਆਪਣੀ ਥਾਂ ਪੱਕੀ ਕਰ ਲਈ ਹੈ। ਇਸ ਲਈ ਇਹ ਸੀਰੀਜ਼ ਆਸਟ੍ਰੇਲੀਆ ਲਈ ਬਹੁਤ ਜਰੂਰੀ ਹੈ। ਉਨ੍ਹਾਂ ਨੇ 2014/15 ਤੋਂ ਬਾਅਦ ਭਾਰਤੀ ਜ਼ਮੀਨ ‘ਤੇ ਕੋਈ ਟੈਸਟ ਸੀਰੀਜ਼ ਨਹੀਂ ਜਿੱਤੀ ਹੈ। ਪ੍ਰੰਤੂ ਭਾਰਤ ਨੇ ਉਦੋਂ ਤੋਂ ਹੁਣ ਤੱਕ ਆਸਟਰੇਲੀਆ ਵਿੱਚ ਦੋ ਵਾਰ ਟੈਸਟ ਸੀਰੀਜ਼ ਵਿਚ ਜਿੱਤ ਹਾਸਲ ਕੀਤੀ ਹੈ |
ਅਜਿਹੇ ‘ਚ ਸੀਰੀਜ਼ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਗੱਲਾਂ ਸ਼ੁਰੂ ਹੋ ਗਈ ਨੇ । ਆਸਟ੍ਰੇਲੀਆ ਦੇ ਸਾਬਕਾ ਵਿਕਟਕੀਪਰ ਇਆਨ ਹੀਲੀ ਨੇ ਭਾਰਤੀ ਵਿਕਟਾਂ ਨੂੰ ਲੈ ਕੇ ਬਿਆਨ ਦਿੱਤਾ ਹੈ। ਹੀਲੀ ਨੇ ਕਿਹਾ ਹੈ ਕਿ ਜੇਕਰ ਭਾਰਤ ‘ਚ ਇਮਾਨਦਾਰੀ ਨਾਲ ਵਿਕਟਾਂ ਬਣੀਆਂ ਤਾਂ ਆਸਟ੍ਰੇਲੀਆਈ ਟੀਮ ਭਾਰਤ ਨੂੰ ਘਰ ‘ਚ ਹਰਾ ਕੇ ਵਾਪਸ ਭੇਜੇਗੀ |ਇਸ ਦੇ ਨਾਲ ਹੀ ਹੀਲੀ ਨੇ ਟੀਮ ਦੇ ਨੌਜਵਾਨਾਂ ਨੂੰ ਇਹ ਸੰਦੇਸ਼ ਵੀ ਦਿੱਤਾ ਕਿ ਭਾਰਤ ‘ਚ ਕੈਚ ਛੱਡਣਾ ਜਾਂ ਮਿਸ ਫੀਲਡਿੰਗ ਬਹੁਤ ਪੈ ਸਕਦੀ ਹੈ। ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਚਾਰ ਮੈਚਾਂ ਦੀ ਟੈਸਟ ਸੀਰੀਜ਼ ਤੋਂ ਬਾਅਦ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਵੀ ਖੇਡੀ ਜਾਣੀ ਹੈ |
