ਜਲੰਧਰ: ਕਮਿਸ਼ਨਰ ਅਭਿਜੀਤ ਕਪਲਿਸ਼ ਦੇ ਹੁਕਮਾਂ ‘ਤੇ ਬਿਲਡਿੰਗ ਬ੍ਰਾਂਚ ਦੀ ਟੀਮ ਨੇ 66 ਫੁੱਟ ਰੋਡ ‘ਤੇ ਸਥਿਤ ਕਰੂ ਮਾਲ ਦੀ ਇਮਾਰਤ ‘ਚ ਨਗਰ ਨਿਗਮ ਦੇ ਪਾਰਕਿੰਗ ਏਰੀਆ ‘ਚ ਇਕ ਹਵੇਲੀ ਮਾਲਕ ਵਲੋਂ ਕੀਤੀ ਜਾ ਰਹੀ ਉਸਾਰੀ ‘ਤੇ ਕਾਰਵਾਈ ਕੀਤੀ ਹੈ। ਦੂਜੇ ਪਾਸੇ ਜਿਵੇਂ ਹੀ ਨਗਰ ਨਿਗਮ ਦੀ ਟੀਮ ਨੇ ਡਿੱਚ ਮਸ਼ੀਨ ਨੂੰ ਉਥੇ ਚਾਲੂ ਕੀਤਾ ਤਾਂ ਮਜ਼ਦੂਰਾਂ ਅਤੇ ਮੁਹੱਲੇ ਦੇ ਨੁਮਾਇੰਦਿਆਂ ਨੇ ਉਥੇ ਹੀ ਧਰਨਾ ਦਿੱਤਾ।
ਨਿਗਮ ਨੇ ਜਿਵੇਂ ਹੀ ਕਾਰਵਾਈ ਕੀਤੀ ਤਾਂ ਹੰਗਾਮਾ ਹੋ ਗਿਆ। ਇਸ ਧਰਨੇ ਕਾਰਨ ਨਿਗਮ ਟੀਮ ’ਤੇ ਪਥਰਾਅ ਵੀ ਕੀਤਾ ਗਿਆ। ਹਵੇਲੀ ਦੇ ਮੁਲਾਜ਼ਮਾਂ ਅਤੇ ਮਜ਼ਦੂਰਾਂ ਨੇ ਨਿਗਮ ਦੀ ਏਟੀਪੀ ਪੂਜਾ ਦੀ ਕਾਰ ਨੂੰ ਘੇਰ ਲਿਆ। ਗੁੱਸੇ ‘ਚ ਆਈ ਭੀੜ ਨੇ ਪਹਿਲਾਂ ਕਾਰ ਦੇ ਬੋਨਟ ‘ਤੇ ਮੁੱਕਾ ਮਾਰਿਆ, ਟਾਇਰ ਪਾੜ ਦਿੱਤੇ ਅਤੇ ਨਾਅਰੇਬਾਜ਼ੀ ਕਰਦੇ ਹੋਏ ਕਾਰ ‘ਤੇ ਚੜ੍ਹ ਗਏ। ਭੀੜ ਨੇ ਏਟੀਪੀ ਗੱਡੀ ਨੂੰ ਇੱਕ ਘੰਟੇ ਤੱਕ ਘੇਰ ਲਿਆ।