ਜਲੰਧਰ ਦੇ ਨਕੋਦਰ ‘ਚ ਚੋਰਾਂ ਨੇ ਘਰ ਦੇ ਬਾਹਰ ਖੜੀ ਮੋਟਰਸਾਈਕਲ ਚੋਰੀ ਕਰ ਲਈ ਹੈ । ਇਹ ਮਾਮਲਾ ਜਲੋਟੀਆਂ ਇਲਾਕੇ ਦਾ ਹੈ। ਚੋਰੀ ਦੀ ਇਹ ਸਾਰੀ ਘਟਨਾ ਨੇੜੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ।
ਦੱਸਿਆ ਜਾ ਰਿਹਾ ਹੈ ਕਿ ਦੇਰ ਰਾਤ 2 ਚੋਰ ਮੋਟਰਸਾਈਕਲ ‘ਤੇ ਆਏ ਅਤੇ ਪਹਿਲਾਂ ਰੇਕੀ ਕੀਤੀ, ਫਿਰ ਉਸ ਤੋਂ ਤਰੁੰਤ ਬਾਅਦ ਚਾਬੀ ਨਾਲ ਮੋਟਰਸਾਈਕਲ ਸਟਾਰਟ ਕੀਤਾ ਅਤੇ ਫਰਾਰ ਹੋ ਗਏ। 15 ਤੋਂ 17 ਸਕਿੰਟਾਂ ਵਿੱਚ ਚੋਰਾਂ ਨੇ ਘਰ ਦੇ ਬਾਹਰ ਖੜ੍ਹਾ ਸਪਲੈਂਡਰ ਮੋਟਰਸਾਈਕਲ ਨੂੰ ਚੋਰੀ ਕਰਕੇ ਲੈ ਗਏ |
ਜਾਣਕਾਰੀ ਦੇ ਅਨੁਸਾਰ ਪਿੰਡ ਜਲੋਟੀਆਂ ਵਾਸੀ ਰਜਨੀਸ਼ ਨੇ ਦੱਸਿਆ ਕਿ ਉਹ ਰਾਤ ਕਰੀਬ 10.15 ਵਜੇ ਘਰ ਪਹੁੰਚਿਆ। ਆਪਣੇ ਪੁੱਤਰ ਨੂੰ 10:30 ਵਜੇ ਕੁਝ ਲੈਣ ਲਈ ਬਾਹਰ ਭੇਜਿਆ ਤਾ ਫਿਰ 10:40 ‘ਤੇ ਜਦੋਂ ਉਹ ਆਪਣੀ ਸਕੂਟੀ ‘ਤੇ ਵਾਪਿਸ ਆਇਆ ਤਾਂ ਉਸ ਨੂੰ ਬਾਹਰ ਖੜ੍ਹਾ ਮੋਟਰਸਾਈਕਲ ਅੰਦਰ ਖੜ੍ਹਾ ਕਰਨ ਲਈ ਕਿਹਾ ਗਿਆ ਪਰ ਜਦੋਂ ਪੁੱਤਰ ਬਾਹਰ ਆਇਆ ਤਾਂ ਉਸਨੇ ਦੇਖਿਆ ਕਿ ਮੋਟਰਸਾਈਕਲ ਆਪਣੀ ਜਗ੍ਹਾ ਤੋਂ ਗਾਇਬ ਸੀ। ਜਦੋਂ ਸੀਸੀਟੀਵੀ ਕੈਮਰਿਆਂ ਦੀ ਤਲਾਸ਼ੀ ਕੀਤੀ ਗਈ ਤਾਂ ਪਤਾ ਲੱਗਿਆ ਕਿ 10:37 ਵਜੇ ਤੱਕ ਚੋਰ ਚੋਰੀ ਕਰਕੇ ਲੈ ਗਏ।