ਬੀਜਾਪੁਰ (ਸਕਸ਼ਮ) : ਛੱਤੀਸਗੜ੍ਹ ਦੇ ਬੀਜਾਪੁਰ ‘ਚ ਕਈ ਥਾਵਾਂ ‘ਤੇ ਨਕਸਲੀਆਂ ਨੇ ਪਰਚੇ ਚਿਪਕਾਏ ਹਨ। ਇਨ੍ਹਾਂ ਪਰਚਿਆਂ ਵਿੱਚ ਲੋਕ ਸਭਾ ਚੋਣਾਂ ਦੇ ਬਾਈਕਾਟ ਅਤੇ 10 ਜ਼ਿਲ੍ਹਾ ਰਿਜ਼ਰਵ ਗਾਰਡ ਜਵਾਨਾਂ ਦੇ ਨਾਂ ਸ਼ਾਮਲ ਹਨ।
ਰਿਪੋਰਟਾਂ ਮੁਤਾਬਕ ਪੈਂਫਲੇਟ ‘ਚ ਨਕਸਲੀਆਂ ਨੇ ਜਵਾਨਾਂ ‘ਤੇ ਪਿੰਡ ਵਾਸੀਆਂ ਨੂੰ ਕੁੱਟਣ ਦਾ ਦੋਸ਼ ਲਗਾਇਆ ਹੈ ਅਤੇ ਉਨ੍ਹਾਂ ਨੂੰ ਜਲਦ ਤੋਂ ਜਲਦ ਸਜ਼ਾ ਦੇਣ ਦੀ ਗੱਲ ਵੀ ਲਿਖੀ ਹੈ। ਭੈਰਮਗੜ੍ਹ ਬਲਾਕ ਦੇ ਪਿੰਡ ਉਸਪਾਰੀ ਅਤੇ ਬੇਲ ਦੀ ਸਰਕਾਰੀ ਇਮਾਰਤ ਦੇ ਆਲੇ-ਦੁਆਲੇ ਦਰੱਖਤਾਂ ‘ਤੇ ਪਰਚੇ ਚਿਪਕਾਏ ਗਏ ਹਨ।
ਦੱਸ ਦੇਈਏ ਕਿ ਕੁੱਝ ਦਿਨ ਪਹਿਲਾਂ ਬੀਜਾਪੁਰ ਵਿੱਚ ਸੁਰੱਖਿਆ ਬਲਾਂ ਨੇ 12 ਨਕਸਲੀਆਂ ਨੂੰ ਮਾਰ ਮੁਕਾਇਆ ਸੀ। ਹਾਲਾਂਕਿ, ਕਥਿਤ ਮਾਓਵਾਦੀਆਂ ਦੇ ਪਰਿਵਾਰ ਨੇ ਮੁਕਾਬਲੇ ‘ਤੇ ਸਵਾਲ ਖੜ੍ਹੇ ਕੀਤੇ ਸਨ ਅਤੇ ਕਿਹਾ ਸੀ ਕਿ ਉਹ ਮਾਓਵਾਦੀ ਨਹੀਂ ਸਨ ਅਤੇ ਨਿਹੱਥੇ ਸਨ।