ਸੜਕਾਂ ‘ਤੇ ਡਰਾਈਵਰਾਂ ਦੀਆਂ ਕਈ ਅਜੀਬ ਵੀਡੀਓ ਦੇਖਣ ਨੂੰ ਮਿਲਦੀਆਂ ਰਹਿੰਦੀਆਂ ਹਨ। ਕੁਝ ਡਰਾਈਵਰ ਤਾ ਬਹੁਤ ਖ਼ਤਰਾ ਮੁੱਲ ਲੈਂਦੇ ਹਨ। ਕੋਈ ਬਾਈਕ ‘ਤੇ 9 ਲੋਕਾਂ ਨੂੰ ਲੈ ਜਾਂਦਾ ਹੈ ਅਤੇ ਕੋਈ ਆਟੋ ‘ਚ 20 ਯਾਤਰੀਆਂ ਨੂੰ ਲੈ ਜਾਂਦਾ ਹੈ। ਸੋਸ਼ਲ ਮੀਡੀਆ ‘ਤੇ ਅਜਿਹੀਆਂ ਕਈ ਵੀਡੀਓਜ਼ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ| ਹੁਣ ਵੀ ਇੱਕ ਹੈਵੀ ਡਰਾਈਵਰ ਦੀ ਵੀਡੀਓ ਸਾਹਮਣੇ ਆਈ ਹੈ, ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।ਤੁਸੀਂ ਵੀ ਦੇਖੋ ਇਹ ਵਾਇਰਲ ਵੀਡੀਓ
ਇਹ ਵਾਇਰਲ ਵੀਡੀਓ ਇੱਕ ਹੈਵੀ ਟਰੈਕਟਰ ਡਰਾਈਵਰ ਦੀ ਹੈ। ਇਸ ਵਿੱਚ ਇੱਕ ਸੜਕ ਤੇ ਚੜ੍ਹਾਈ ਹੈ। ਪੂਰਾ ਟਰੈਕਟਰ ਗੰਨੇ ਨਾਲ ਭਰਿਆ ਹੋਇਆ ਹੈ। ਇਸ ਚੜ੍ਹਾਈ ’ਤੇ ਓਵਰਲੋਡ ਹੋਣ ਕਾਰਨ ਟਰੈਕਟਰ ਚੜ੍ਹਨ ਦੇ ਯੋਗ ਨਹੀਂ ਰਹਿੰਦਾ ਅਤੇ ਅਗਲੇ ਪਾਸੇ ਤੋਂ ਟ੍ਰੈਕਟਰ ਪੂਰਾ ਖੜਾ ਹੋ ਜਾਂਦਾ ਹੈ। ਫਿਰ ਵੀ, ਡਰਾਈਵਰ ਪੂਰਾ ਜੋਖਮ ਉਠਾਉਂਦਾ ਹੈ ਅਤੇ ਟਰੈਕਟਰ ਨੂੰ ਸਿਰਫ ਦੋ ਟਾਇਰਾਂ ‘ਤੇ ਚੜ੍ਹਾਈ ਪਾਰ ਕਰ ਕੇ ਲੈ ਜਾਂਦਾ ਹੈ। ਇਹ ਵੀਡੀਓ ਮੱਧ ਪ੍ਰਦੇਸ਼ ਦੀ ਦੱਸੀ ਜਾ ਰਹੀ ਹੈ। 10 ਫਰਵਰੀ ਨੂੰ ਇੰਸਟਾਗ੍ਰਾਮ ‘ਤੇ ਸਾਂਝੀ ਕੀਤੀ ਗਈ ਵੀਡੀਓ ਨੂੰ ਹੁਣ ਤੱਕ 5 ਮਿਲੀਅਨ ਵਿਊਜ਼ ਮਿਲ ਚੁੱਕੇ ਹਨ।
ਇਹ ਵੀਡੀਓ ਕਾਫੀ ਵਾਇਰਲ ਹੈ ਕਿ ਇਕ ਦਿਨ ਪਹਿਲਾਂ ਕਾਰੋਬਾਰੀ ਹਰਸ਼ ਗੋਇਨਕਾ ਨੇ ਵੀ ਇਸ ਵੀਡੀਓ ਨੂੰ ਸਾਂਝਾ ਕੀਤਾ ਹੈ। ਵੀਡੀਓ ਸਾਂਝੀ ਕਰਦੇ ਹੋਏ ਹਰਸ਼ ਨੇ ਕਿਹਾ ਕਿ ਇਹ ਸਭ ਸਿਰਫ ਭਾਰਤ ‘ਚ ਹੀ ਨਜ਼ਰ ਆ ਸਕਦਾ ਹੈ। ਵੀਡੀਓ ਬਹੁਤ ਵਾਇਰਲ ਹੋ ਰਹੀ ਹੈ। ਲੋਕ ਵੱਖ-ਵੱਖ ਟਿੱਪਣੀਆਂ ਕਰ ਰਹੇ ਹਨ। ਕੁਝ ਲੋਕਾਂ ਨੇ ਕਿਹਾ ਕਿ ਟਰੈਕਟਰ ਵਿੱਚ ਬਹੁਤ ਤਾਕਤ ਹੁੰਦੀ ਹੈ। ਕਿਸੇ ਨੇ ਕਿਹਾ ਕਿ ਟਰੈਕਟਰ ਦੇ ਨਾਲ-ਨਾਲ ਡਰਾਈਵਰ ‘ਚ ਵੀ ਤਾਕਤ ਹੁੰਦੀ ਹੈ। ਇਸ ਦੇ ਨਾਲ ਹੀ ਕੁਝ ਲੋਕਾਂ ਨੇ ਇਸ ਨੂੰ ਖਤਰਨਾਕ ਕਰਾਰ ਦਿੰਦੇ ਹੋਏ ਕਿਹਾ ਕਿ ਡਰਾਈਵਰ ਨੂੰ ਧਿਆਨ ਰੱਖਣਾ ਚਾਹੀਦਾ ਹੈ ,ਨਹੀਂ ਤਾਂ ਉਸ ਦੀ ਮੌਤ ਵੀ ਹੋ ਸਕਦੀ ਸੀ ।