ਚੰਡੀਗੜ੍ਹ: ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ‘ਆਪ’ ਸਰਕਾਰ ‘ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਪਿਛਲੇ 5 ਮਹੀਨਿਆਂ ਵਿੱਚ ਐਕਸਾਈਜ਼ ਡਿਊਟੀ ਵਿੱਚ 47 ਫੀਸਦੀ ਅਤੇ ਜੀਐਸਟੀ ਕੁਲੈਕਸ਼ਨ ਵਿੱਚ 24 ਫੀਸਦੀ ਵਾਧੇ ਦਾ ਦਾਅਵਾ ਕੀਤਾ ਹੈ। ਇਹ ਪੈਸਾ ਕਿੱਥੇ ਗਿਆ? ਰਾਜ ਸਰਕਾਰ ਆਪਣੇ ਕਰਮਚਾਰੀਆਂ ਨੂੰ ਤਨਖਾਹ ਦੇਣ ਲਈ ਆਰਬੀਆਈ ਦੀ ਗਰੰਟੀ ‘ਤੇ ਭਰੋਸਾ ਕਰਨ ਲਈ ਕਿਉਂ ਮਜਬੂਰ ਹੈ? CM ਭਗਵੰਤ ਮਾਨ ਨੂੰ ਸਪੱਸ਼ਟੀਕਰਨ ਦੇਣਾ ਪਵੇਗਾ।
.@AamAadmiParty govt claimed 47% increase in Excise & 24% in GST mop up in last 5 months. Where has this money gone? Why is the state govt forced to depend on @RBI guarantees to pay salaries to its employees? CM @BhagwantMann owes an explanation. 1/2 pic.twitter.com/xrBCCl5a9C
— Sukhbir Singh Badal (@officeofssbadal) September 8, 2022
ਸੁਖਬੀਰ ਬਾਦਲ ਨੇ ਆਪਣੇ ਦੂਜੇ ਟਵੀਟ ‘ਚ ਕਿਹਾ ਕਿ ਮੁੱਖ ਮੰਤਰੀ ਨੂੰ ਇਹ ਵੀ ਦੱਸਣਾ ਚਾਹੀਦਾ ਹੈ ਕਿ 5 ਮਹੀਨਿਆਂ ‘ਚ 100 ਕਰੋੜ ਰੁਪਏ ਉਸਾਰੂ ਕੰਮਾਂ ਦੀ ਬਜਾਏ ਪ੍ਰਚਾਰ ‘ਤੇ ਕਿਉਂ ਖਰਚ ਕੀਤੇ ਗਏ। ਇਹ ਹੋਰ ਵੀ ਹੈਰਾਨ ਕਰਨ ਵਾਲੀ ਗੱਲ ਹੈ ਕਿ ‘ਆਪ’ ਸਰਕਾਰ ਨੇ ਸਾਲ 2022-23 ਲਈ 700 ਕਰੋੜ ਰੁਪਏ ਦਾ ਪੀਆਰ ਬਜਟ ਰੱਖਿਆ ਹੈ ਜੋ ਕਿ ਝੂਠੇ ਅਤੇ ਫਰਜ਼ੀ ਪ੍ਰਚਾਰ ਅਤੇ ਪੇਡ ਨਿਊਜ਼ ਲਈ ਵਰਤਿਆ ਜਾ ਰਿਹਾ ਹੈ।