ਅੰਮ੍ਰਿਤਸਰ ਵਿੱਚ ਇੱਕ ਬਜ਼ੁਰਗ ਔਰਤ ਦੇ ਕਤਲ ਦੀ ਦਰਦਨਾਕ ਘਟਨਾ ਸਾਹਮਣੇ ਆਈ ਹੈ। ਅਜਨਾਲਾ ਦੇ ਪਿੰਡ ਸਰਾਵਾਂ ਵਿੱਚ ਹੋਏ ਕਤਲ ਨੂੰ ਮੁਲਜ਼ਮਾਂ ਨੇ ਕਰੰਟ ਲੱਗਣ ਨਾਲ ਹੋਈ ਮੌਤ ਦੱਸਿਆ ਸੀ। ਪੁਲਿਸ ਨੂੰ ਜਾਂਚ ‘ਚ ਸ਼ੱਕ ਹੋਣ ‘ਤੇ ਵੱਡਾ ਖੁਲਾਸਾ ਹੋਇਆ। ਬਜ਼ੁਰਗ ਔਰਤ ਦਾ ਕਤਲ ਉਸ ਦੀ ਨੂੰਹ ਨੇ ਹੀ ਕੀਤਾ ਸੀ।
ਡੀਐਸਪੀ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਪੁਲਿਸ ਨੂੰ ਘਟਨਾ ਬਾਰੇ ਪਤਾ ਲੱਗਾ ਸੀ। ਅਮਰਜੀਤ ਕੌਰ ਨਾਂ ਦੀ ਬਜ਼ੁਰਗ ਔਰਤ ਦਾ ਕਤਲ ਕਰ ਦਿੱਤਾ ਗਿਆ। ਮੁੱਢਲੀ ਜਾਂਚ ਵਿੱਚ ਪੁਲਿਸ ਵੱਲੋਂ ਅਮਰਜੀਤ ਕੌਰ ਦੀ ਮੌਤ ਬਿਜਲੀ ਦਾ ਕਰੰਟ ਲੱਗਣ ਕਾਰਨ ਹੋਈ ਦੱਸੀ ਜਾ ਰਹੀ ਸੀ ਪਰ ਮ੍ਰਿਤਕ ਦੇ ਸਰੀਰ ’ਤੇ ਲੱਗੇ ਜ਼ਖ਼ਮ ਕੁਝ ਹੋਰ ਹੀ ਦੱਸ ਰਹੇ ਸਨ। ਇਸ ਤੋਂ ਬਾਅਦ ਪੁਲਿਸ ਨੇ ਮਾਮਲੇ ਦੀ ਜਾਂਚ ਨੂੰ ਅੱਗੇ ਵਧਾਇਆ।
ਮੁਲਜ਼ਮ ਨਰਿੰਦਰਜੀਤ ਕੌਰ ਨੇ ਦੱਸਿਆ ਕਿ ਅਮਰਜੀਤ ਕੌਰ ਘਰ ਵਿੱਚ ਇਕੱਲੀ ਸੀ। ਇਸ ਲਈ ਉਸਨੇ ਪਹਿਲਾਂ ਬਾਲਾ ਫੜਿਆ ਅਤੇ ਉਸਦੇ ਸਿਰ ‘ਤੇ ਜ਼ੋਰਦਾਰ ਵਾਰ ਕੀਤਾ। ਉਹ ਅਜੇ ਸਾਹ ਲੈ ਰਹੀ ਸੀ। ਨੂੰਹ ਨੇ ਚਾਕੂ ਨਾਲ ਕਈ ਵਾਰ ਕੀਤੇ ਪਰ ਅੰਤ ਵਿੱਚ ਪ੍ਰੈੱਸ ਦੀ ਤਾਰ ਨੂੰ ਫੜ ਕੇ ਬਿਜਲੀ ਦਾ ਕਰੰਟ ਲੈ ਕੇ ਮਾਰ ਦਿੱਤਾ ।
ਮੁਲਜ਼ਮ ਨੇ ਦੱਸਿਆ ਕਿ ਉਸ ਦਾ ਵਿਆਹ 15 ਸਾਲ ਪਹਿਲਾਂ ਹੋਇਆ ਸੀ ਪਰ ਉਸ ਦੀ ਸੱਸ ਹਮੇਸ਼ਾ ਉਸ ਨੂੰ ਤਾਅਨੇ ਮਾਰਦੀ ਰਹਿੰਦੀ ਸੀ। ਉਹ ਹਮੇਸ਼ਾ ਉਸਦੀ ਸ਼ਕਲ ਬਾਰੇ ਗੱਲ ਕਰਦੀ ਸੀ। ਜਿਸ ਕਾਰਨ ਉਸ ਦੇ ਦਿਲ ਵਿਚ ਬਹੁਤ ਨਫ਼ਰਤ ਪੈਦਾ ਹੋ ਗਈ ਸੀ|
ਦੂਜੇ ਪਾਸੇ ਜੱਦੀ 6 ਕਿਲ੍ਹੇ ਵਾਲੀ ਥਾਂ ਸੱਸ ਅਤੇ ਦੋ ਪੁੱਤਰਾਂ ਵਿਚਕਾਰ ਵੰਡੀ ਗਈ। ਨਰਿੰਦਰਜੀਤ ਕੌਰ ਨੂੰ ਡਰ ਸੀ ਕਿ ਉਸ ਦੀ ਸੱਸ ਦੋ ਕਿੱਲਿਆਂ ਦਾ ਹਿੱਸਾ ਉਸ ਦੀ ਭਰਜਾਈ ਨੂੰ ਦੇਣਾ ਚਾਹੁੰਦੀ ਹੈ। ਜਿਸ ਤੋਂ ਬਾਅਦ ਨਰਿੰਦਰਜੀਤ ਕੌਰ ਗੁੱਸੇ ਨਾਲ ਭਰ ਗਈ। ਜਿਸ ਤੋਂ ਬਾਅਦ 25 ਫਰਵਰੀ ਨੂੰ ਉਸ ਨੇ ਸੱਸ ਨੂੰ ਮਾਰਨ ਦਾ ਮਨ ਬਣਾ ਲਿਆ।